Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Халыкара туган тел көне уңаеннан Урта Тарман этномәдәни компонентлы мәктәбендә педагог-оештыручы Лилия Нигъмәтуллина «Беренчеләр хәрәкәте» активистлары (6 сыйныф укучылары) белән «Туган телдә укыйбыз» Бөтенроссия акциясендә катнашканнар.
Ерак балачакта безнең һәрберебез өчен дөньяны ачкан туган телебезнең әһәмиятен бәяләп бетергесез. Туган телдә һәрбер гаиләдә әти-әниләребез әкиятләр сөйләделәр, йөрәккә кадерле җырлар җырладылар, аның ярдәмендә без тирә-юньдәгеләр белән аралашырга өйрәндек. Балачактан ук без ата-аналарыбыздан, бабаларыбыздан әкиятләр, хикәяләр, риваятьләр тыңладык, аларда туган якның тарихы, теле, матурлыгы ачык үрелеп бара.
Дәреснең максаты: «Беренчеләр хәрәкәте»ндә катнашучыларда рухи, әхлакый һәм мәдәни кыйммәт буларак туган телгә карата кызыксыну, ихтирамлы мөнәсәбәт формалаштыру.
Балалар, түгәрәк өстәл артында, уңайлы шартларда, сыйныф җитәкчесе Лилия Рәүф кызы җитәкчелегендә балачакта әти-әниләре укыган әкиятләрне искә төшерделәр, танылган шагыйрьләрнең шигырьләрен укыдылар, «И туган тел, и матур тел» җырын җырладылар.
Сыйныф җитәкчесенең бурычы: дәрестә катнашучыларның мәдәнияткә һәм традицияләргә хөрмәт тәрбияләү, тел мирасына кушылу, туган телне саклау өчен шәхси җаваплылыкны аңлау, иҗади һәм интеллектуаль потенциалын үстерү .
Лилия НИГЪМӘТУЛЛИНА,
Түбән Тәүде районы, Урта Тарман авылы.
(Ләйлә МАДЬЯРОВА тәрҗемәсе).
