Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Икенче Вагай авылында элек-электән себер татарлары яшәгән. Рәсми документларда күрсәтелгәнчә, 17 гасырның ахырында себер бохарлылары (сарты) монда күченеп киләләр. 18 гасыр урталарында биредә 300 кеше, 20 гасыр башында - 400 кеше яши. Аларның яртысы бохарлылар була. Авыл халкы балык тотып, игенчелек белән шөгыльләнеп көн күрә.18 гасыр һәм 20 гасырның башында Вагай волость үзәге булып санала. Тубыл өязендәге иң зур волостька 46 татар авылы керә. Салымнар, авыллар җыелышлары, унар йортлардан вәкилләрне кабул итү, җиде көн иректән мәхрүм итү кебек һәм башка карарлар да монда кабул ителә.
Санкт–Петербургның Россия дәүләт тарихи архивында табылган документлар буенча 1744 елларда - 18 гасыр урталарында бу якларда ике мәчет була. Аларның Сенат хөкүмәте боерыгы буенча җимерергә дип карар кабул ителгәне билгеле. 19 гасырда Күбәк авылында мәчет яңадан төзелә. Вагай авылында бер мәчет яңадан эшләп китә, ә икенчесе торгызылмый. 19 гасыр ахыры, 20 гасыр башында Мәүлет Ниязов указлы мулла, Мөхәммәтәмин Хәбибуллин мөәзин вазифасын башкаралар. Вагай, Күбәк, Тубызы авылларында астаналар булганлыгы да билгеле. Җирле халыклар әйтүенчә, Икенче Вагайда берничә дин таратучы җирләнгән, берсенең исеме Бахрам–шәех, Күбәк авылы зиратында – Асим шәех һәм Тубызы зиратында да изгеләрнең каберләре барлыгы билгеле. Бу фактлар 14 гасырда Себер якларында авыллар булганын раслый.
Гөлзифа БАКИЕВА. (Римма УМИТБАЕВА тәрҗемәсе).
