Ялкаулар турында мәзәкләр

Подробности

Опубликовано 03.09.2021 02:00

Просмотров: 415

Нәрсә рәхәтрәк

Мәшти малай чагында атасы сыер сатып алган. Бозавын карарга Мәштигә кушкан. Мәшти бала чагында ук ялкау булганга, бер дә карамый башлаган. Атасы үгет бирмәкче булып:

- Сиңа үз сөтебезне эчү рәхәтме, әллә күршеләргә йөз ертып керүме, әйт? – дигәч, Мәшти:

- Бозау караудан күршегә сөт сорап керәсе рәхәтрәк, - дигән, имеш.

Карт ялкау белән яшь ялкау

Элек бер авылда ялкаулыгы белән дан тоткан бер кеше булган. Аның янына өйрәнергә дип, икенче бер яшь ялкау килгән. Шуңа хуҗа кеше әйткән:

- Бар, тышка чыгып кара әле, яңгыр яумыймы икән?

Өйрәнчек ялкау әйткән:

- Нигә тышка чыгып йөрергә, тәрәзәдән көрәк кенә сузып карыйк, шуннан белербез, - дигән.

Моннан соң карт ялкау әйткән:

- Миннән дә ялкаураклар бар икән, болай булгач ялкау исемен күтәреп йөрүнең кызыгы бетте, - дип, ялкаулыгын ташларга булган.

Әмир ЮСКАЕВ, Төмән районы, Талымхан авылы