“Балачак планетасының салават күпере”

Подробности

Опубликовано 17.07.2020 00:00

Просмотров: 455

6 июль көнне Төмән шәһәренең “Этнос” балаларга гомуми белем бирү үзәгендә «Туган чыганаклар» мәдәни-белем бирү программасы белән татар этномәдәни компонентлы балалар сәламәтләндерү лагереның 1 сменасын ачу тантанасы булды. Биредә балаларны «Балачак планетасының салават күпере» бәйрәм программасының әкият геройлары каршы алдылар. Болыт, Салават күпере һәм Җәй балаларны “Танышу, аралашу”, “Дуслык” дип аталган тукталышларда кунак иттеләр. Алар балалар белән татар милли уеннарын уйнап, кызыклы бәйгеләр, викториналар оештырдылар, табышмаклар әйтештеләр һәм татар халык әкиятләрен искә төшерделәр.

Икенче көнне «Туган чишмәләр» мәдәни-белем бирү программасы буенча вокал, пластилиннан әвәләп ясау һәм тегү буенча белем бирү һәм үстерү дәресләре үткәрелде. Шулай ук балалар ЮХИДИ инспекторы белән очрашып, юл хәрәкәте кагыйдәләре белән таныштылар. Урамда футбол уйнап, асфальтта рәсем ясап, бадминтон уйнап, вакытны күңелле үткәрделәр.

Өченче көн балалар «Барлык әкиятләр дә бездә кунакта» уен программасында катнаштылар, мультфильмнар карадылар. Шулай ук «Яраткан әкият героем» дигән рәсем конкурсы да уздырылды. Аннары барлык балалар да «Күңелле эстафеталар» спорт уенында бердәм катнаштылар.

Лагерь сменасының дүртенче көне «Хәтер һәм бурыч көне» темасына багышланып, татар халкы Геройларына аерым игътибар бирелде. Балалар Герой-пионерлар, аларның тормышы һәм батырлыклары, Бөек Ватан сугышы елларында балаларның ничек яшәве турында бик күп яңа, кызыклы мәгълүмат алдылар. Шулай ук отрядлар Бөек Ватан сугышында һәлак булган Парфеново микрорайонындагы солдатларга куелган «Истәлек билгесе»н карадылар, алар хөрмәтенә иҗади остаханәдә кәгазьдән торналар ясадылар. Лагерьга йөрүче балаларның һәр көне уңай эмоцияләргә, күңелле атмосферага бай. Биредә алар ял итү белән бергә белемнәрен дә үстерәләр. Лагерьда

Рәүфә КАНГАЗИНА.