Балаларның яраткан бәйгесе үзенчәлекле үтте

Подробности

Опубликовано 10.04.2020 00:00

Просмотров: 512

Тубыл районының татар авылларыннан балаларның видеога төшереп җибәргән чыгышларын Тубыл район үзәк китапханәсендә карадылар. Сәнгатьле шигырь сөйләүчеләрнең чыгышларын тыңлап жюри әгъзалары аларга бәя бирделәр.

Үзәк китапханә ел саен шигърият бәйгеләрен, патриот–шагыйрь Муса Җәлил иҗатына багышланган бәйгене зурлап үткәреп килде. Быел да традициягә кергән шигърият бәйгесендә җиңүчеләрнең чыгышларын видеодан караучылар балаларның тырышлыгын, татар телен яхшы белүләрен, шигырьләрне ихлас күңел белән сөйләүләренә игьтибар иттеләр.

Видеога төшереп җибәрелгән чыгышларны күз яшьләре белән тыңлаучылар безнең балалар, яшүсмерләр шагыйрьнең иҗатын яратканнарын күреп сокландылар. Төрле яшьтәге укучыларыбызның яраткан бәйгесендә татар теле, әдәбияты укытылмаган мәктәпләрдән дә катнашучылар булды. Быелгы шигърият бәйгесендә сәнгатьле, оста сөйләүчеләрнең чыгышларын карап сокландык. Карантин булса да, шигърият яраткан укучылардан килгән видеоязмалар Байкалово, Вәчир, Ворогушино, Түбән Әремзән, Тубылтора, Лаемтамак, Санниково, Күкрәнде, Прииртышский, Хмели авыл мәктәпләреннән булды. Бәйгедә катнашучы балаларның әти-әниләренең, укытучыларның тырышлыгы белән төшереп җибәрелгән видеоязмаларны жюри әгъзалары: шагыйрә Галия Абайдуллина, тарих фәннәре кандидаты Гөлзифа Бакиева, район үзәк китапханәсенең библиографы Розалия Әминова җиңүчеләрне билгеләделәр. 1 нче урынга Салават Тляушев (Прииртышский поселогы), Элина Моратова, Оксана Гарифханова (Күкрәнде) лаек булдылар. Алсу Айдуллина (Вәчир), Ләйсән Гарифуллина (Ворогушино), Ләйсән Ибраһимова (Күкрәнде) 2 нче урынга чыктылар. Өченче урын Антонина Сафьянова (Түбән Әремзән), Лилия Сәфәрова (Санниково), Риана Барсуковага (Вәчир) бирелде. М.Җәлилнең әсәрләрен яттан сөйләүчеләр шигырьләрне сәнгатьле, бөтен күңелләрен биреп, мәгънәсен аңлап башкардылар.

Бөтендөнья халкы горурлык белән искә алган, шигырьләре белән укучыларын батыр, эшчән, намуслы, туган иленә, халкына тугрылыклы булырга өйрәткән шагыйрь Муса Җәлилне искә алган бәйге үзенчәлекле узды, уңышлы чыгышлар күп булды.

Эмилия ИВАНОВА, Тубыл шәһәре.
(Римма УМИТБАЕВА тәрҗемәсе).