Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Коронавирус чоры башланганнан бирле, “Бәйрәм” балалар эстрада вокалы студиясе беренче мәртәбә сәхнәгә чыгып, тамашачыларына онытылмаслык мизгелләр бүләк итте. 31 октябрь көнне Төмән шәһәренең “Төзүче” милләтләр мәдәниятләре йортының кече залында мәдәният йортының татар бүлеге мөдире, ансамбль җитәкчесе Гөлнара Кәримова оештыруында “Музыкаль бүләк” дигән концерт булып үтте. Ансамбль балалары башкаруында татар, рус, инглиз, әрмән, гарәп телләрендәге халык, заманча, фольклор, патриотик һәм лирик җырлар яңгырады.
Моңлы көйләр, дәртле биюләр тамашачыларны җылы атмосферага чумарга, матур музыка белән хозурланырга, яхшы кәеф алырга этәрде.Тамашачылар яшь җырчы Айдар Янсуфин, Данил Каримов, Әлфия Шәйхетдинова, Илья Демаков башкарган җырларны аеруча яратып кабул иттеләр, һәр чыгышны алкышларга күмделәр.
«Бәйрәм» ансамбле 2012 елда оешкан. Аның составында 15 кеше шөгыльләнә. Коллектив төзелгәннән соң, аның составы берничә тапкыр үзгәрде, яңа сәләтле катнашучылар белән тулыландырылды. Коллектив берничә тапкыр халыкара, бөтенроссия, өлкә һәм район фестиваль-бәйгеләре лауреаты булды.
Концертны ансамбль җитәкчесе Гөлнара Кәримова күренекле шәхесләрнең көз аеның матур, бай табигатенә мәдхия җырлап иҗат иткән шигъри юллары белән тулыландырып, бизәп алып барды.
Рәүфә КАНГАЗИНА.
