Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Быелгы 1 сентябрь – Белем бәйрәмен Төмән шәһәре, Кырынкүл авылында каршыларга туры килде. Көн искиткеч кояшлы, матур булгангамы, мәктәп тирәсе аллы-гөлле чәчәк болынын хәтерләтте. Линейка сәгать унда башланып, мәктәп директоры Алевтина Зиннәтулла кызы Манкаева балаларны бәйрәм белән котлап, укучыларга уңышлы уку елы теләде.
Кырынкүл авылында мәктәпнең иске, тыгыз булуы һәркемгә билгеле. Шуңа карамастан, елдан-ел анда балалар саны арта. Үткән елны беренче сыйныфка 40 бала кергән булса, быел 56 укучы килә. Барлыгы быел 360 тирәсе сабый укый башлады.
Алевтина Зиннәтулла кызы 2020 нче елда яңа мәктәп төзелеп, балалар анда укырга керәчәкләрен игълан итте. Бигрәк тә бу хәбәргә ата-аналар шатландылар. Күп еллардан бирле көтелгән куанычлы хәбәр.
Кырынкүл авылы элек 2 урамлы уртача зурлыктагы авыл иде, хәзер очы-кырые юк. Мәктәп Төмән шәһәренең 52нче белем йорты.
Ходайдан булып уңышлы төзелеп, андагы балаларга яңа мәктәп ишекләрен ачып кереп, белем алырга язсын, дигән теләкләрдә калабыз.
Ә быелгы линейка бик матур узды. Балалар шат күңелле, әти-әниләр дә яңалыклардан канәгать калдылар.
Наилә САФИУЛЛИНА.
