Бик кирәкле койрыклар

Подробности

Опубликовано 07.06.2019 00:00

Просмотров: 497

Файдасыз койрык булмый, төрле хайваннарга ул төрлечә кирәк.

Күпләр өчен койрык – таяну ноктасы, өстәмә аяк кебек. Көнгерә, мәсәлән, койрыгына утыра. Борынгы кәлтәләргә дә зур койрык шуның өчен кирәк булган. Ә кошлардан койрыгына тукран таяна.

Кайбер маймыллар өчен койрык өстәмә кул ролен үти. Мәсәлән, үкерүче маймыллар ботактан-ботакка аяклары белән генә түгел, койрыклары белән урала-урала да йөриләр.

Америкада яши торган опоссум дигән хайван койрыгына асылынган көе ял итә, ашый. Ә еланнарның бөтен гәүдәләре бер озын койрык төсле. Тиен һәм борындык өчен койрык парашют хезмәтен үти.

(“Фатиха” татар-мөселман балалары өчен календарь).