Март 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Динар Булатовны атасы 8 яшендә бокс секциясенә алып килә. Спорт белән шөгыльләнү бу тиктормас, шук балага бик ошый. Уңышлар да көттермиләр, ярышларга еш бара. Хәзер Динарга 12 яшь, әнә күпме медаль алып өлгергән инде! Күптөрле шәһәрләрдә булган, бигрәк тә Казан, Яр Чаллы, Новоуральскта үткән бөтенроссия бәйгеләрендә бәхет елмайган үзенә: 1 урын алып кайткан. Бер дә буш вакыты юк. “Әле бокстан тыш футбол уйнарга йөри, кышын шугалакны (каток) ярата инде. Шат күңелле, кызыксынучан, аралашучан энем өйдә дә әти-әнисенең беренче ярдәмчесе”, - ди аның турында апасы Рузилә.
Бокс техник яктан катлаулы спорт төре булу белән бергә, дөрес тактика сайлауны да таләп итә, монда акыл белән эш итәргә кирәк, сабырлык та сорала. Авырлыкларга түзәргә дә өйрәтә, спортчы тормышка әзерлек белән керә. Тренеры Марат Әхсән улы Кәримов та бу тырыш тәрбияләнүчесенә зур өметләр баглый.
Динарга уңышлар телик, булдырасың, егет!
Гөлнур ВӘЛИЕВА.