Ноябрь 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Ноябрьнең холкы төрле елда төрлечә. Көз әле китеп бетмәгән, кыш урнашып җитмәгән бу чорда, урман кырыенда басып торып, бер үк мизгелдә елның ике фасылын күзәтергә мөмкин. Уң якта, урманда – кыш хакимлек итә. Яңа яуган кардан зифа буйлы каеннарның ак кәүсәләре тагын да агарып, яктырып киткән кебек. Бөтен урманга сулап туймаслык салкынча саф һава тулган... Ә сулда, җир өсли шуышып барган кар белән узышып уйнарга теләгәндәй, түгәрәк шар сыман “басу йомгагы” җил куалаган якка тәгәрәп бара...
Ул җил куып йөрми, ботакларындагы өлгергән орлыкларны тигезләп тарата. Рус телендә бу үсемлек “кермек татарский” дип атала. “Перекати поле” дип тә йөртәләр үзен. Хәзерге исеме “сары тамыр” булса да, тамыр аның асылын билгеләми; безнең бабаларыбыз аны, көрмәкләнеп-тәгәрәп йөргәнгә күрә, “көрмәк” дип атаганнар.
Рус теленә ул “кермек” булып кереп калган, ә туган телдә акрынлап төп исемен югалткан.
“Балалар календаре”
* * *
Сүрәнләнә кояш, сүрәнләнә,
Үзалдына җәелеп, эреп бара.
Бөтен дөнья ашыга…
Бөтен дөнья
Җылы эзләп кышка кереп бара.
Мөдәррис ӘГЪЛӘМОВ