Октябрь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Мин абыем – Зөфәр Әхтәс улы Хәмидуллин турында язам. Аны армиягә 2016 елның 18 июнендә алдылар. Хәрби хезмәтне Кемерово өлкәсендә автомобиль гаскәрләрендә үтте. Абыем кечкенә вакытыннан ук армиягә барырга үзен әзерләде. Ул 18 яше тулган һәр егет хәрби хезмәтне үтәргә тиеш дип уйлады. Дан өчен түгел, Ватан алдындагы изге бурычың, гаиләң, үзең өчен! Мәктәптә укыганында ук күп күнегүләр үтте, төрле спорт ярышларында катнашты. Өйдәге бүлмәсенең стенасына дипломнар, медальләр эленгән. Язның бер матур көнендә абыемның кулында хәрби комиссариаттан килгән чакыруны күрдек.
Ул моңа бик шатланды. Армиядән фоторәсемнәрен еш җибәрде. Рәсемнән безгә чая малайчык түгел, ә җитди яшь егет карады. “Армия – вакытны әрәм итү түгел, ә чын тормыш, батырлык, кыюлык мәктәбе“, – дип язды хатында. Абыем физик яктан ныгыган, тормышка карашы үзгәргән. Мин аның белән горурланам, Ватанын саклаган егет нәкъ минем Зөфәр абыем шикелле булырга тиеш, дип уйлыйм. Ул исән-сау туган җиренә әйләнеп кайтты.
Чулпан ХӘМИДУЛЛИНА, Түбән Тәүде районы,
Тарман урта мәктәбе укучысы.