Ноябрь 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Кайчандыр барлык үсемлекләр яшел төстә булган. Ул хәзер кайберләренең яфрагы кызыл, берсе чәнечкеле, икенчесе кояшны гына ярата, яки күләгәне...
Кычыткан да каклый торган яфракларсыз үскән. Әмма берзаман, Үсемлекләр илендә Кактус барлыкка килә. Үләннәрнең берсе дә аны үлән итеп танырга теләми: яфраклары юк, үткен чәнечкеләре генә бар. Кычыткан Илнең яңа кешесенә игътибар итә. Еш кына алар икесе сөйләшеп утыралар, тиздән Кычыткан гомерендә беренче тапкыр гашыйк була. Аның шулай ук Кактус шикелле үзенчәлекле буласы килә.
Ул вакытта үсемлекләр тормышта тагын бер кат үз теләкләре белән үзгәрә алганнар. Тиздән Кычыткан үзенә чәнечкеләр үстерә. Дөрес, яшь булганга чәнечкеләре яфрак шикелле йомшак була. Чәнечкеләре ныгып җиткәнне көтмәстән, Кычыткан Кактуска: “Минем дә чәнечкем бар!” – дип мактана.
Әмма Кактус аңа гашыйк булган үсемлекнең гамәлен бәяләми. “Нинди чәнечкеләр булсын, алар бит йомшак? – дип көлә. Кычыткан нык гарьләнә. Аңа бит хәзер һәрвакыт Кактус турында искәртеп торучы чәнечкеләр белән яшәргә туры киләчәк. Шуннан бирле Кычыткан күбрәк күләгәле дымлы урыннарны өстен күрә, ышанычсызлыктан каклаучан булып кала.
Ева АЛЕКСЕЕВА.
(Диләфрүз ФӘХРЕТДИНОВА тәрҗемәсе).