Сентябрь 2020 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Август аенда Шыкча урта мәктәбендә өченче смена лагере бик үзенчәлекле эш алып барды. Лагерь башлыгы Гүзәл Зәйнуллина, тәрбиячеләр, спортинструктор, әйдаманнар эш планын кызыклы итеп оештырдылар. Лагерь палаткалар куюдан башланды, бу тәҗрибә үткән ел да булган иде, 30 бала бу сменаны көтеп алды, чөнки икенче төрле формат үзенә җәлеп итә. Көн саен саф һавада зарядка ясау, өч тапкыр туклану, төрле конкурслар, мастер-класслар, квест, ярышлар, ландшафт дизайнерына курслар үтү һәм башкаларга укучылар бик теләп йөрделәр.
Ябылу тантанасында концерт куйдылар, бер-берсенә матур теләкләр белдереп беләзек бәйләделәр. 
Биредә “Мин татарча сөйләшәм” акциясе, табигатьтә учак ягу, палатка кору, турист рюкзагына саласы әйберләр серенә төшенү, файдалы үсемлекләр өйрәнү, ГТО тапшыру – барысы да кызык иде. Шулай ук барлык кызлар токмач кисү, коймак, печенье һәм өчпочмак пешерү серләрен тулысынча өйрәнүне бигрәк яраттылар, хәтта укучыларның ял көнне гаиләләре белән милли ризыклар пешереп бәйрәм ясаулары билгеле булды. Мәктәп логопеды Венера Калиева милли уеннар оештырып, татар биюләрен биетте. Халкыбызның милли традицияләрен, милли ризыкларын, гореф-гадәтләрен җәйге лагерь вакытында кертү бик уңышлы һәм отышлы булды.
Гүзәлия МУЛЛАЧАНОВА, лагерь тәрбиячесе.
Төмән районы, Шыкча авылы.