Апрель 2020 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
6 апрельдән мәктәп һәм уку йортларында карантин сәбәпле, студентлар һәм укучыларны дистанцион укыту башланды. Аларның күбесе онлайн-режимда укыйлар. Мондый белем алу ысулы белән әлегә таныш булмаган Алинә Зәйнетдинова бик борчылды, уйланды. Әти-әнисе тынычландырырга тырышып, бу эшкә бары җитди һәм зур җаваплылык белән генә карарга киңәш итәләр.
Үзбикләнү көннәрен Яркәү авылында яшәүче кыз файдасыз уздырмады. Ул гадәти режимын бозмыйча, иртә торып өй эшләрен башкарды, дәресләрен карады.
Аннары әнисе белән төче һәм итле бәлеш, пәрәмәч, капшырма, коймак пешереп әтисен сыйладылар. Ял иткән арада Алинә синтезаторда уйнап җырлый. Узган ел ул музыка мәктәбен уңышлы тәмамлады. Ул балачактан ук өлкә, район күләмендә узган бәйгеләрдә катнашып җыр һәм декоратив-кулланма сәнгате номинацияләре буенча мактаулы урыннар ала. Каникул вакытында Алинә үзенә матур жилет бәйләде. Хәзер инде ул интернеттан карап, кул белән битлекләр тегә. Тырышлыгын, үҗәтлеген күреп әти-әнисе аңа тегү машинасы алып бирергә сүз биргәннәр. “У-р-р-а! Карантин аркасында тегү машиналы булачакмын”, - дип шатлыгы белән бүлеште Алинә. Чөнки коронавирусны тиздән җиңәчәгебезгә аның бер дә шиге юк.
Рәүфә КАНГАЗИНА.