Сентябрь 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Сәламәтлек темасы - бүгенге көндә актуаль тема. Зур мегаполислардан алып табигатькә бай авылларда да бу мәсьәләгә игътибар ителә. Шул уңайдан, Россия күләмендә 2004 елдан үткәрелә торган “Кросс нации” быел да Төмән районының Индрәй поселогында актив һәм оешкан рәвештә үткәрелде. Мәктәп администрациясе поселокның “Батыр” спорт комплексы белән берлектә, алдан игьлан итеп, укучы балаларны, ата–аналарны 25 нче сентябрь көнне мәктәпнең яңа ясалган спорт мәйданына чакырдылар.
Яшь спортчыларга, катнашучыларга поселок администрациясе башлыгы Раил Хөснуллин һәм дума рәисе Рөстәм Арипов котлау сүзләре белән мөрәҗәгать иттеләр. Һәммәсенә яңа үсешләр, яңа җиңүләр теләделәр. 1 нче класстан алып 11 нче класска кадәр яшь спортчылар йөгерештә, эстафетада үзләрен сынадылар. Табигать тә бүгенге көндә үзенең ягымлы көзге ямен күрсәтте. “Сау-сәламәт булыгыз!” – дигәндәй кояш үзенең нурлы сәламнәрен барлык катнашучыларга юллады.
Зәкия СӘИТОВА, Төмән районы,
Индрәй урта мәктәбе укытучысы