Кызлар, сезгә! Үз кулларың белән

Подробности

Опубликовано 02.03.2018 07:35

Просмотров: 728

Айсылу белән Гөлназ 8 Мартка алдан ук әзерләнделәр.

Менә бу “кесә”не дәү әниләренә бүләк иттеләр. Бәйләү энәләре, кайчы ише кирәк-ярак салырга бик уңайлы “кесә” булып чыкты ул. Әзерләве бер дә кыен түгел икән. Айсылу 30-35 см озынлыктагы тукымага кесәләр текте, ә Гөлназ аның тирәсен челтәр энәсе белән мережкалап (аркау җепләрен суырып алып, материягә эшләнгән челтәр) чыкты.

Аннары Айсылу кызыл тукыма кисәгеннән (25х12см) кечкенә капчык-төенчек ясады, аның аскы очын җыеп бөрде дә, әйләндереп, эченә мамык тутырды. Гөлназ исә яшел җеп алып, бөрелгән урынны чигеп куйды. Энәләр, булавкалар кадап куярга менә дигән “помидор” ич бу! Мондый бүләк әниләренең күңеленә бик хуш килде.

Күрше Мәрфуга апаны да онытмадылар кызлар. Берсе каты кәгазьдән фил сурәте кисеп алды, матуррак булсын өчен аны буяп та җибәрде. Икенчесе “фил”нең күз урынына төймә такты, шнурдан койрык ясады. Филнең биленә 25х30 см зурлыгындагы кесәле япма беркетәсе генә калды. Күрше апаның күзлеге хәзер шул фил кесәсендә тора...

“Мондый бүләкләрне кызлар гына түгел, малайлар да әзерли ала”. – ди Айсылу. Ышанмасагыз, үз-үзегезне сынап карагыз!

(“Балалар календаре”).