Өлкә мәгариф яңалыклары

Подробности

Опубликовано 07.04.2023 06:00

Просмотров: 298

Март азагында Түбән Тәүде районы, Киндерле мәктәбендә Юл хәрәкәте иминлеге дәүләт инспекциясе (ЮХИДИ) бүлеге инспекторы белән укучылар очраштылар. Чараны Диана Бакиева алып барды, 12 кеше катнашты.

Инспектор юл хәрәкәте кагыйдәләре турында профилактик әңгәмә үткәрде. Әңгәмәнең максаты – балалар юл-транспорт травматизмын профилактикалау.

Полиция хезмәткәре укучыларга куркынычсыз юл хәрәкәтен пропагандалау буенча юл өлешендә үзеңне ничек дөрес тоту турында сөйләде. Очрашу дәвамында инспекторга балалар төрле сораулар бирделәр. Ул сабыйларга игътибарлы булырга, юлда үзеңне сакларга дигән теләкләр юллады.

* * *

«Ел укучысы» район конкурсы Яркәү районының иң актив, талантлы укучыларын барлый. Бурбар мәктәбенең 8 сыйныф укучысы Диана Нигъмәтуллина конкурс финалисты гына түгел, «Ел тикшерүчесе» номинациясендә җиңүче дә булды. Класс җитәкчесе – Гөлнара Шакирова.

Интернеттан Диләфрүз ФӘХРЕТДИНОВА әзерләде