Россия пионериясен «Беренчеләр хәрәкәте» дип атадылар

Подробности

Опубликовано 06.01.2023 06:00

Просмотров: 252

18-20 декабрьдә Мәскәү манежында яңа балалар һәм яшьләр Россия хәрәкәтенең (РДДМ) съезды уздырылды. Оешмага «Беренчеләр хәрәкәте» исеме бирелде. Бу вариант өчен 1278 делегат (барлыгы 1300дән артык) тавыш бирде, алар арасында мәктәп укучылары күп булды.

Ачылу тантанасы көнендә съездда катнашучыларга Россия Президенты Владимир Путин мөрәҗәгать итте. «Бик яшь вакытыгызда илебез үсешенә өлеш кертергә, дәүләткә, халыкка файда китерүче хезмәткә омтылу хәзердән үк сезне берләштерә. Бүгенге көндә Россиядә генә түгел, бөтен дөньяда үзгәрүләр бара. Бу үзгәрешләр яхшы якка булачагына ышанабыз. Үзебезнең гамәлебез, эшебез, тәвәккәллек, ачыклыгыбыз, планнарыбыз белән дөньяны тагын да гаделерәк эшләячәкбез. Анда һәр кеше ихтирамга, үз традицияләрен үтәүгә, туган телендә сөйләшергә, ата-бабаларны олылауга лаеклы», - дип сөйләде Россия Президенты Владимир Путин видеомөрәҗәгатендә.

«Аргументы и Факты»
(Диләфрүз ФӘХРЕТДИНОВА тәрҗемәсе)