Шаян кыз Равилә

Подробности

Опубликовано 06.03.2020 00:00

Просмотров: 483

Төмән шәһәрендә узган “Таң йолдызы” балалар иҗаты бәйгесендә Равилә Кармышакова быел да нәфис сүз остасы номинациясендә катнашып 3 нче урын алды. Үткән ел бәйгегә аны “Этнос” балаларга гомуми белем бирү үзәге укытучысы Наисә Камил кызы Гайнельянова әзерләгән иде. Ә бу юлы ул Төмән шәһәренең 52 нче мәктәбендә татар теле дәресләрен алып баручы Миләүшә Хәлит кызы Ниатбакиева ярдәме белән Муса Җәлилнең “Карак песи” шигырен сәнгатьле итеп сөйләде. Равиләгә 9 яшь, 3 “б” сыйныфында укый. Ул бик шаян кыз. Билгеләре яхшы, дәрестән тыш эшләрдә бик теләп катнаша. Тормышка позитив карашлы кызчык бигрәк тә математика, рус һәм татар әдәбияты дәресләрен ярата. Шулай ук ул матур җырлый, бии һәм оста рәсем ясый. Ә өйдә әнисенә булыша.

Рәүфә КАНГАЗИНА.