Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән районы, Шыкчаның “Улыбка” балалар бакчасында үзебезнең Олимпия уеннары үткәрелде. Анда кече һәм урта төркем тәрбияләнүчеләре катнаштылар. Командалар физик үсештә, спортта, Олимпия традицияләрен өйрәнүдә казанышларын күрсәттеләр. Безнең Олимпия уеннарының девизы: “Тизрәк! Югарырак! Ныграк!” Олимпиаданың традициягә әверелгән символы талисман икәнлеген искә төшердек. Лейк-Плэсиде Олимпия уеннарында талисман – янут, Сеулда – юлбарыс Ходори, Лос-Анджелеста – бөркет баласы Сэм, Мәскәүдә – аю Мишка, Сочида – куян, леопард һәм ак аю.
Балалар моннан 90 ел элек тирәсе Олимпия флагы күтәрелгәнлеге турында сөйләделәр. Флагтагы бер-берсенә беркетелгән биш боҗра Җир шарының биш материгында яшәүче халыкның дуслыгын аңлатуын әйттеләр.
Чираттагы традиция – Олимпия уты. Аны югары төркемдә “яндырдылар” һәм балалар бакчасының өч төркеме буйлап йөрттеләр. Чараның ачылуына Хәбибулла Якин исемендәге Шыкча урта мәктәбе кадетлары - Айдар Шаргабдуллин, Заринә Нәҗметдинова, Алмаз Рәхимов, Юлия Сәйфуллина һәм ата-аналар чакырылдылар. Безнең төркемдә иң олы кадет Айдар калды; ул сәламәт тормыш алып бару турында әңгәмә уздырды. Балалар нык һәм сәламәт үссеннәр өчен иртә белән физик күнегүләр ясарга, режимны сакларга кирәклеген әйтте.
Саф һавада Олимпия уеннарына багышланган “Без көчле һәм кыю булып үсәчәкбез” дигән ял сәгате үткәрелде. Балалар чанада, чаңгыда шудылар, бер-берләренә йомарланган кар ыргыттылар. Бик зур эмоциональ күтәренке күңел көче алдылар.
Гүзәл БАБАЕВА. (Д.ФӘХРЕТДИНОВА тәрҗемәсе).
