Май 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубыл шәһәренең 5 нче мәктәбенең 4 нче сыйныфында укучы Алан Арангулов кече яшеннән спорт юнәлешендә. Аның күңеленә хуш килгән спорт төре - гер күтәрә. Аңа ун гына яшь булса да, ул төрле дәрәҗәле спорт ярышларында катнашып җиңүләр яулаган егет.
Төмән өлкәсенең көч экстримы Федерациясе атлеты, Төмән өлкәсенең иң көчле яшь атлеты “Батырчик-богатырчик” дип исемләнгән көч экстримы буенча ачык турниларда күп мәртәбә җиңүләр яулый.
Алан башка шәһәрләрдә узган ярышларда да еш катнаша. Узган ел Казан шәһәрендә Бөек Җиңүнең 75 еллыгына багышланган ярышларның берсендә ул 16 килограммлы герне 1 минутта 16 тапкыр күтәргән. Шәһәр күләмендә узган милли бәйрәмнәребездә, быелгы Масленицада узган спорт ярышында 16 килограмм авырлыктагы герне 22 мәртәбә күтәрде. Бу аның быелгы җиңү рекорды. Спорт белән шөгыльләнергә ул яшьтәшләрен дә чакыра. Спорт көчле булырга, артка чигенмәскә өйрәтә. Авыр вакытлар булса да, кеше чыдам була. Аланны әти-әнисе, әбисе дә хуплый, чөнки спорт сәламәтлекне ныгыта. Мәктәп укучылары өчен спорт – ул ял да. Аланның якыннары да, укытучылары да тормышы, киләчәге спорт белән үрелеп барсын дип теләкләр юллыйлар. Алан Арангуловның бүлмәсен спорт ярышларында яулаган медальләре, истәлекле Мактау грамоталары, кубоклар бизи. Алар Аланга җиңел бирелмәгән. Ярышларда җиңү яулау өчен ул махсус күнегүләр эшли, тренировкаларга йөри.
Гаиләсендә тыңлаучан, тырыш бала булып үсеп килгән яшь спортчыга киләчәктә дә якыннарын һәм якташларын зур уңышлары белән сөендерергә язсын.
Римма УМИТБАЕВА