Җиңү тәрәзәләре

Подробности

Опубликовано 05.06.2020 00:00

Просмотров: 914

Тубыл шәһәрендә яшәүче 4 яшьлек Марс Кутайгулов Бөек Җиңүнең 75 еллыгы уңаеннан оештырылган «Җиңү тәрәзәләре» бөтенроссия акциясендә катнашты. Карантинда утыргач, Марс Венера апасы белән бергә хәрби темага рәсемнәр ясыйлар, шигырьләр, җырлар өйрәнеп, әти-әниләренә концерт куялар. Чыгышларын аларның әтисе белән әнисе видеога төшереп, авылда яшәүче әби-бабайларына, туганнарына җибәрәләр. Тәрәзәне алар кәгазьдән кисеп ясаган торналар белән бизәделәр. Марс бик актив малай. Күптән түгел шәһәрнең «Синтез» мәдәният йортында шәһәр себер-татар мәдәният үзәге җитәкчелегендә уздырылган «Туган тел бәйрәме»ндә ул Габдулла Тукайның «Туган тел» шигырен сәнгатьле итеп сөйләп, мактаулы урын алды. «Җиңү тәрәзәсе» Марс өчен иң яраткан урынга әйләнде.

Ләкин анда ул әти-әнисе, апасының рөхсәтеннән башка якын бармый. Аларны тынычландырыр өчен хәтта чын солдатларча ант та итте. Ә булачак солдат әйткән сүзен җилгә очырмый ул!