Җаным теләгән эш

Подробности

Опубликовано 26.12.2014 11:03

Просмотров: 877

Кечкенәдән үк ак халатлы табиб, шәфкать туташлары тормышымда һәрчак үзенә бер аерым урын алып тора иде. Һәркайсыбызның үз холкы, үз дәвалау ысуллары һәм хәтта сөйләшү рәвеше дә...

Юк, соңгы арада да еш очрый торган тупас һәм илтифатсыз медицина хезмәткәрләре турында түгел сүзем. Минем белгәннәрем – ак күңелле, ак уйлы, йомшак телле, җиңел куллылар. Мин яши торган  Ямбай авылында амбулаториядә менә шундый табиблар һәм башка хезмәткәрләр эшлиләр.

Шуларның берсе – үз эшенең остасы, процедура кабинетының югары категорияле шәфкать туташы Нәсимә Нуриәхмәт кызы Латфуллина. Ул 1981-83 елларда Төмән медицина училищесын тәмамлау белән, үз авылына кайтып эшләп китә, тормыш кора, тормыш иптәше Әхәт Әсхәт улы белән кыз һәм егет үстерәләр. Балалар икесе дә укып үз көннәрен үзләре күрәләр.

Нәсимә шул хәтле игътибарлы, эшен бик тә яратып башкара. Училищедан соң амбулаториядә эшли башлауга ук: “Бу юлдан китеп ялгышмаганмын”, - дип, күңеленә беркетеп куя. Җаным теләгән эшне башкарам, авылдашларның рәхмәтен ишетү нинди рәхәт!” – ди ул.

Нәсимәгә авылдашларына тугры хезмәт итүенә 30 ел тулу уңаеннан исәнлек-саулык, ак бәхетләр, уңышлар теләп калабыз.

Авылдашлары исеменнән Лилия МӨХӘММӘДИЕВА.