Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
«Аллаһы Тәгалә шундый атаны сөя, кайсы чын күңелдән кыз баласына сабырлы. Шул хиснең бәясен белә», - дип Коръән китабында язылган. Иң кадерле, бердәнбер, гомер буе чиксез яратып, йөрәк түрендә һәрвакыт саклап йөртүче - минем әтием ул.
Тимер кебек нык йөрәкле, тау кебек олы йөрәкле әтием - Вафрат Зиннәтулла улы Туйчиков Тубыл пединститутын тәмамлап, Тарман урта мәктәбендә тарих фәннәрен укыта башлый. Үз хезмәтен ул яратып башкара. Гомер юлында үзенең тормыш иптәшен, әниемне - Зәмфирә Әүхәт кызын очратып, тормыш коралар. Алар өч кызларына тормыш бүләк итеп, бу дөньяда шатлык-бәхет белән тәрбияләп үстерәләр. Көне буе мәктәптә балаларга белем биреп арып кайтса да, кичләр буе ул минем белән сөйләшергә дә, китап укып аңлатырга да вакыт таба.
Миңа: ”Әтиеңә охшагансың”, - дип гел әйтәләр. Бу сүзләр мине бары тик куандыра, шул сүзләрдән мин горурланам, чөнки бу минем өчен иң мактаулы сүзләр.
Әниемнең ”әти сүзе бер була” дигән яраткан сүзе бар. Нинди генә эш эшләсәк тә, әти киңәшеннән, әти рөхсәтеннән башка эшләмибез. Әти безнең өчен үрнәк тә, терәк тә.
Әтием - минем иң якын кешем бу дөньяда. Бары тик ул гына мине чын күңелдән ярата. Ул янымда һәрвакыт кул сузып торучы кешем. Бу җирдә иң сөекле, иң кадерле, бердәнбер кешем - ул син, әтием. Син минем өчен хәзергедәй олы йөрәкле, сабыр, яшь һәм матур булып калырсың.
Руфина ТУЙЧИКОВА, Тарман мәктәбенең 9 нчы сыйныф укучысы.
