Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Кадерле әткәм Нурмөхәммәт Сәгадәтдин улы Ниязовның 4 майда соңгы сулышы туктады. Якын кешеңне югалту бик авыр икән. Мин үземне ятим бала шикелле сизәм. Күңелем тулып, нәрсәдер югалтып, йөрәк түремдә әллә нәрсә өзелгән шикелле йөрим. Балалары, оныклары исән ятканында килеп өлгерделәр, ризалашып хушлаштылар. Көне-төне Рәхим кияве янында булды. Авызына су салып, Йәсин сүрәләрен укып утырды. Хәленең авырайганын сизенгәч, күрше Сала авылыннан туганыбыз Ишмөхәммәт муллага белдердек, берничә сәгать эчендә килеп тә җитте, янында булды.
Кешенең бу дөньяда кем икәнлеге, ничек яшәгәнлеге шул мәңгелек дөньяга киткәндә билгеле була икән. Олы кайгыбызны уртаклашкан авылдашларыма, туганнарыма, ярдәм итүчеләргә, әткәмне хөрмәтләп соңгы юлга озатырга килүчеләргә зур рәхмәтемне белдерәм һәм язмыйча калдыра алмыйм. Алар: Рәис, Асия, Вәли Сәитчабаровлар; Изил, Мөхәммәт, Илдар, Илгиз, Факия җиңги Ниязовлар; Тимер, Сәмигулла, Мәксүт, Мәрҗәнә, Мәүлия Тусмухаметовлар; А.Вәлит, Г.Рәхим, Ч.Тимур, Вәсимә апа. Рәсимә җиңги, баласы Хәйдәр Төмән шәһәреннән әүлесен (чардуган) китерделәр һәм 40 көне тулганчы утыртып та куйдылар. Һәрвакыт хәлләрен белешеп, аңлашып торучы З.Хәят җиңгигә зур рәхмәт. Барыгызга да зур рәхмәтемне белдереп, һәркайсыгызга әткәмнең яшен яшәргә насыйп булсын дип теләп калам. Аллаһы каршында риза булабыз. Башкарган саваплары юлдаш булып, яткан җире йомшак, урыны җәннәттә булсын.
Тыныч йокла, әткәү!
Үз кулында карап озатучы кызы Лилия АИТОВА.
