Июль 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Биредә йөклелек срогы унике атналык вакытта медицина учреждениесенә исәпкә баскан хатын-кызларга билгеләнгән 708,23 сум күләмендәге иске пособие хакында сүз бара.
1 июльдән түләнә торган айлык пособиедән тыш, көмәнле хатын-кызларның кайберләре бер тапкыр бирелә торган пособие дә алырга мөмкин, дип белдерделәр «Российская газета»сына Хезмәт һәм социаль яклау министрлыгында. Бу хакта РИА Новости агентлыгы хәбәр итә.
«Бер тапкыр бирелә торган пособие 2021 елның 1 июленә кадәр шундый хокукка ия булган хатын-кызларга түләнәчәк. Алга таба ул бирелмәячәк», — дип ачыклык керттеләр министрлыкта.
Билгеләп үтелгәнчә, пособиенең бу төре йөклелек алдыннан эшләмәгән хатын-кызларга бирелми.
1 июльдән йөклелекнең иртә срогында исәпкә баскан көмәнле хатын-кызлар хезмәткә сәләтле халыкның яшәү минимумының (Россия буенча уртача 6351 сум) яртысы күләмендә яңа пособие ала башлады. Җан башына уртача кереме яшәү минимумыннан азрак тәшкил иткән гаиләләр шундый мөмкинлеккә ия булды.
“Татар-информ”