Кәкре киңәшләр

Подробности

Опубликовано 11.05.2018 00:00

Просмотров: 601

* Кызлар эзләмә, акча эзлә. Шуннан соң кызлар сине үзләре табар.

* Кофены коньяк белән бутама, кофесыз эч.

* Кичке ашны көн аралаш әзерләсәң, тәмлерәк була.

* Сиңа бурычлары булган яки бурычлары булмаган кешеләр белән генә ызгышырга кирәк.

* Иртән эшкә барасың килмәсә, “Форбс” журналын алып, үз фамилияңне эзлә. Тапмасаң, һичшиксез, барырга туры киләчәк.

* Хатының тавыш күтәрмәсен дисәң, һәрвакыт өстәлгә сугып ал. Әмма уклауны яшереп куярга онытма.

* Чирлисең килсә, туктаусыз зарлан – бернинди сәламәтлек тә чыдамаячак.

* Күпме гафу итә аласың – шулкадәр акча биреп тор.

* Тоткасыз ишекне тибеп ачалар.

Матур булырга теләсәң...

Хатын-кызлар кем генә төз, матур гәүдәле булу турында хыялланмый икән. Ә ничек итеп бик ансат кына шуңа ирешергә? Үзеңнең ияләшкән гадәтләреңнән баш тартып, режим белән генә яшәү өчен кайдан ихтыяр көче табарга?

Франциядә бу мәсьәләгә хатын-кыз аеруча мөһим нәрсә итеп карый һәм артык тазарып китмәс өчен төрле чаралар куллана. Әлбәттә, аларда моның өчен төрле мөмкинлекләр бар. Мәсәлән, тазарып китүне булдырмас өчен таблеткалар эчәргә, массаж ясатырга мөмкин. Алай гына да түгел, гәүдә матур булсын өчен алар хәтта тәннәрен лимон согы белән уалар. Ә диетолог табиб Криста Марин артык тазарып китмәс өчен ананас һәм папайя ашарга тәкъдим итә. Бу җимешләр Африкада үсә һәм, үзегез дә беләсездер, андагы хатын-кызлар арасында бер генә артык юанаеп киткән кешене күрә алмассың. Ә бездә исә тазармас өчен табиблар алма ашарга кушалар. Матур булып калыгыз!

(“Өмет”).