Апрель 2020 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубыл шәһәрендә яшәүче Тәнзилә Таһир кызы Вахитова шәһәрнең 15 нче мәктәбен тәмамлап, авыл хуҗалыгы колледжында белем ала. Белгечлеге буенча эшләргә мөмкинлек булмаса да, Тәнзилә тормыш юлында үзенең күңеленә хуш килгән юнәлешне сайлый алган иҗат кешесе. Ул кул эшләре белән мавыга. Өйдә утырган көннәрне “Ютуб”тан мастер-класслар карап, кәгазь һәм башка материаллардан төрле чәчкәләр бәйләме ясарга өйрәнә. Бәйрәмнәрдә үзе ясаган бүләкләре белән туганнарын, дусларын сөендерә.
Сәләтен һәрьяклап ача алган Тәнзилә Таһир кызы һөнәре буенча бухгалтер булса да, күңелендә аның чәчәкләр. Бүлмәсендә дә төрле төстәге яран гөлләре, миләүшәләр үсәләр. Яз җитү белән ул аларны күчереп утырта башлый. Бүләккә чәчәкләр бирергә ярата. Тәнзилә яран гөле - татарларның яраткан гөле, дип сөйли. Мәктәптә укыган еллардан бирле тырыш, авырлыкларга бирешмәгән, хезмәт сөйгән якташыбыз үзенең яраткан шөгыле турында: ”Кешенең теләге булса, янында теләгеңне хуплап, хыялларыңны тормышка ашырырга ярдәм итүчеләре дә табыла икән. Минем янәшәмдә яраткан тормыш иптәшем Гайдар, улым, әти-әнием. Кәгазьдән ясаган шиңмәс чәчәкләрне мин күңел һәм йөрәк җылымны кушып эшлим. Һәр чәчкәнең уртасында күчтәнәче дә була. Шуңа күрә, минем чәчәкләрне күргән кешеләрнең елмаюларын күреп шатланам. Димәк, тырышлыгым бушка булмаган, дип сөенәм. Хәзерге үзбикләнү көннәрендә хатын-кызларга файдалы, кызыклы яңа һөнәргә өйрәнергә мөмкинлекләр күп. Эшләгән эшебез белән якыннарыбызны сөендерик. Коронавирус бөтен кеше өчен көтмелмәгән зур сынау. Ул сынауны безгә җиңеп чыгарга язсын”, - дип сөйләде.
Римма УМИТБАЕВА.