Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Минем гаиләм бик зур. Ул биш кешедән тора: әтием, әнием, сеңлем Вероника, энем Тимур hәм мин. Минем исемем Диана. Тагын да минем ике әбием, ике бабаем бар. Кечкенәдән кунакка йөрергә яратам мин. Бигрәк тә әбиләргә hәм бабайларга. Менә шулар - кадерле кешеләрем турында бүген сүз алып барам.
Минем әни ягыннан әбием белән бабаем шәhәрдә яшиләр. Мин, алар якынрак яшәгәч, күп вакыт аларда кунакта булам. Аларның исеме Әнвәр hәм Зәкия. Әнвәр бабаем һәм Зәкия әбием икәүләп яшелчәләрдән, җимешләрдән кышкыга төрлесен ясыйлар. Мине дә өйрәтәләр. Тагын да Зәкия әбием тәмле камыр ашлары пешерергә, бәйләргә, тегәргә өйрәтә.
Әти ягыннан дәү әнием Нурания hәм дәү әтием Вахит Казанка авылында яшиләр. Аларга һәрвакыт җәй көннәрендә кунакка барам. Без бергә урманга җиләк, гөмбә җыярга йөрибез. Җиләкләрдән варенье кайнатабыз, компот әзерлибез, ә гөмбәне без туңдырабыз hәм тозлыйбыз. Алар күп терлек асрыйлар. Мин аларны карарга, ашатырга булышам.
Минем әби-бабайларым бик тырышлар. Алар безне үстерергә, аякка бастырырга ярдәм итәләр. Безгә, оныкларына, тату тормышлары белән, эшчәнлекләре белән, тырышлыклары белән үрнәк булып торалар. Без аларга карап, тормышны алып барырга, дөрес юл сайларга, яхшылыкны начарлыктан аерырга, гомумән, чын кеше булып үсәргә өйрәнәбез. Без алар белән горурланабыз
Диана БИКМУЛИНА,
Төмән шәһәре 52нче мәктәбенең 8нче сыйныф укучысы.
