Тән тиресен ничек яхшы сакларга?

Подробности

Опубликовано 19.09.2014 10:06

Просмотров: 1127

Безнең беркайчан да вакытыбыз юк диярлек. Шулай да, көненә ярты гына сәгать булса да, үзебезнең тәнебезгә игътибарны юнәлтергә вакыт табарга тырышыйк. Шулай эшләмәсәк, безнең тиребез шома да, сыгылмалы да булмас.

1. Душ кабул иткәннән соң, тәнне щетка яки мунчала белән ышку мәҗбүри. Аны аяктан башлагыз. Астан өскә таба түгәрәк хәрәкәтләр ясап менегез. Аннары кулга, аркага, корсакка һәм иң соңыннан күкрәк өлешенә күчегез.
2. Ваннадан яки душтан чыгуга, тән өчен кулланыла торган сөт яки лосьоннан файдаланыгыз. Монда инде тире үзенчәлекләре дә күздә тотылырга – коры, нормаль, майлы тире булуы искә алынырга тиеш.
3. Аякка ванна ясаганнан соң, тиренең калын, сөялле урыннарын пемза белән ышкыгыз. Тырнакларны туры итеп кисегез. Тырнак тирәсендәге тирене кисеп алмагыз. Тырнакларыгызга массаж ясагыз да, лак сөртегез. Майлы яки дымландыра торган крем да ярый.
4. Тәннең чисталыгы – сезнең күңел күтәренкелегегез дигән сүз. Күп кенә хатын-кызлар дезодорант кулланалар. Классик дезодорантлардан башка шарсыман дезодорантлар, крем-дезодорантлар һәм дезодорант-карандашлар да бар.
5. Ят ис килүдән саклану өчен берничә кагыйдәне истә тотыгыз:

Беренчедән, кыса торган кием кимәгез. Һаваны яхшы үткәрә торган материаллардан тегелгән кием кисәгез, сез азрак тирләрсез.

Икенчедән, исе булмаган тире бактерияләре тәэсирендә тир тамчылары исләнә башлый. Шунлыктан дезодорантны чиста тәнгә сөртегез. Шунда гына сез яхшы нәтиҗәләргә ирешә алырсыз.

Өченчедән, култык астындагы төкләрне даими кырыгыз.

Дүртенчедән, кофе һәм татлы ризыкларны чамасын белеп кенә кулланыгыз. Бу продуктлар тирнең күпләп бүленеп чыгуына китерә.

(“Сәламәт булыгыз”).