Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Бу дөньяда кешенең бертуганы, таянычы, терәге, күрешеп яңадан балачакны искә алып, якты хыялларга чумып, ис-хәтерләрне яңартып, рәхәтләнеп бер утырып сөйләшерлек кешең булсын. Менә мин бертуганнарга бик бай. Әтием Янтимер белән әнием Хәтимә 8 баланы тәрбияләп үстереп, барыбызга да белем бирделәр. Без аларга рәхмәтлебез. 1955 елның 28 апрелендә Яркәү районының, Сала авылында Кармановлар гаиләсендә бик сылу, җитез кыз дөньяга килә. Бу инде минем сеңлем Рауза. Хәзер инде ул әби, 60 яшь тула. Кечкенә вакытыннан ук ул эшчәнлеге, матурлыгы белән авылда дан казанган. Сыер саву, җир казулар, фермада көянтәләп чиләкләр белән су ташулар – күбрәге аңа эләккән. Үзе бик ярдәмчел. Ә инде печән вакытында чалгы, сәнәк-тырмалар аның кулларында уйнап торганнар. Рауза Заводоуковск шәһәренең индустриаль–педагогик техникумын тәмамлагач, гомер буе Урай шәһәрендә төзүче булып эшләгән.
Эше авыр булса да, бервакытта да уфтанмады, зарланмады. Үз тормышыннан ямь табып яши, һәрвакытта ачык йөзле, киң күңелле, елмаеп кына күрешәбез. Рауза сеңлем 2 бала тәрбияләп үстерде. Кызы Алсу университетның журналистика бүлеген тәмамлап, журналист булып эшли. Улы Алмаз – пешекче-кондитер. Хәзерге көндә әби оныгы Булатны тәрбияли, аңа куанып, шатланып яши.
Рәхилә УРАЗАЕВА.
