Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
21 ноябрь көнне Ямбай авыл китапханәсендә китап укырга яратучы апаларны Аналар көне белән котладык. Бәйрәм котлау сүзләре белән башланды. Әдәби сәгать бик кызыклы үтте, чөнки бу тема беркемне дә битараф калдырмый. Хатын-кызларыбызга без илебездә бу бәйрәмне 1998 елдан билгели башлаганыбызны, ә чит илләрдә Аналар көне май аенда үткәрелүе турында сөйләдек. Рус һәм татар язучылары Аналарга багышлап күп әсәрләр язып калдырганнар. Әмирхан Еникинең “Әйтелмәгән васыять”, “Матурлык”, Шәриф Камалның “Буранда”, Булат Сөләймановның “Әни”, Муса Җәлилнең “Ана бәйрәме” дигән әсәрләрен анализлап, аларда Ана образын карап үттек.
Ә инде рус һәм башка милләтләр әдәбиятыннан Чыңгыз Айтматов, Константин Паустовский, Виталий Закруткин кебек язучыларның әсәрләрен карадык. Чарада һәркем үз әнисен искә төшерде, калдырган кыйммәтле киңәшләрен, васыятьләрен сөйләделәр. Беркем дә әйтмичә калмады, чөнки һәр кешенең әнисе йөрәгенең иң түрендә. Мәҗлестә “Әниемә”, “Әниемнең туган көне”, “Әнкәмнең догалары” дигән җырларны җырладык, “Ана йөрәге” хикәясен тыңлап үттек. Аналар көне белән һәркемне котлыйбыз! Алар алдында баш иеп, зур рәхмәтебезне белдерәбез!
Гөлфара ГАРИПОВА,
Төмән районы, Ямбай авылы китапханәчесе.
