Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
2 июнь көнне Яркәү районындагы Ваңгы авылында бик яхшы эш - өмә уздырылды.Иртә белән сәгать 9да клуб ишек алдына халык жыела башлады, музыка яңгырый, кешеләр шау-гөр киләләр, әйтерсең лә, бер олы бәйрәм көтелә. Халык күп җыелды, эш мәчетнең ишек алдын чистартудан башланды. Техникалары булган 15 ир-ат трактор, машиналары белән чыктылар, калган ирләр һәм хатын-кызлар пычкы, балта, тырмалар, көрәкләр тотып килгәннәр. Хәтта өлкән яшьтәге пенсионерлар да хәлләреннән килгәнчә катнаштылар, күрше авылдан килеп булышучылар да булды.
Чөнки 23 июнь көнне авылдашлар белән очрашу чарасы булачак. Иске коймалар, бүрәнәләрне, җимерелгән корылмаларның барсын да чүплеккә ташыдылар, хуҗалары булмаган йортларның ишек алларын да чистарттылар. Шушы Рамазан аебызда булышучы авыл халкына, яшьләребезгә Аллаһының рәхмәте яусын, исәнлек-саулык, имин тормыш бирсен Ходай һәркемгә.
Ваңгы авылы клубы хезмәткәрләре исеменнән
Фирдәвес МӨХӘММӘТЧИНА, Яркәү районы.
