Авылдашларыбыз өчен сөенәбез

Подробности

Опубликовано 01.01.2017 10:16

Просмотров: 576

7нче ноябрь көнне Шамил Алим улы һәм Рәшидә Хәмит кызы бергә яшәүләренең 50 еллыгын билгеләделәр.

1967нче елны аларның туй мәҗлесләре Бигәтен авылында Шамил абыйның әтисе - Алим бабайның йортында үтә.

Хәзерге көндә алар Индәр авылында үз йортларында тормыш корып яшиләр. Ике кыз, өч егет үстерделәр. Балалары яраткан һөнәрләрен сайлап, гаилә корып матур тормыш итәләр.

Рәшидә Хәмит кызы Төмән кооператив училищесын тәмамлап, төрле оешмаларда хезмәт итә. Соңгы елларда авылыбызда сатучы булып эшли һәм 28 ел стаж белән лаеклы ялга чыга.

Тормыш иптәше Шамил Алим улының стажы 40 ел. Шул елларда аңа кем генә булып эшләргә туры килмәде. Вакытында күп хайван асрадылар. Хәзерге көндә яшьләре өлкәнәю сәбәпле, хуҗалыкны бетерделәр.

Балалары, кызлары, оныклары бик еш кайтып бар нәрсәгә ярдәм итеп торалар.

Тания АЙБАТОВА, Вагай районы, Индәр авылы.