Рәхмәт сиңа, Себер гәүhәре!

Подробности

Опубликовано 06.04.2018 00:00

Просмотров: 630

Җәгъфәр абый “Пышны” ансамбленең тынгысыз җитәкчесе. Ансамбльнең барлыкка килгәненә нибары 2 ел, ә аның даны тирә-якка таралганнан-тарала бара! Ансамбльдә 6 пар гаилә, алар Муллаш авылында яшәп хезмәт итәләр, ә кичләрен авыл клубында җыелышып яңа җыр-бию, күренешләр, шигырьләр өйрәнәләр. Февральдә Каскара авылында өлкәдә татар мәдәнияте көннәренә багышланган “Таң йолдызы” балалар иҗаты фестивале уздырылды. “Пышны” шул фестивальдә Төмән районының төрле авылларыннан килгән тамашачыларның игътибарын үзенә җәлеп итте. Аларның чыгышлары шундый кызыклы, тирән эчтәлекле иде ки, шуның өчен югары дәрәҗәдәге дипломнарга лаек булдылар.

20нче февральдә алар тагын бездә 2 сәгатьтән артык чыгыш ясадылар – биеделәр, җырладылар, безнең кәефне күтәреп кайтып киттеләр. Ансамбльнең җитәкчесе Җәгъфәр абый Касыймов, аның атаклы “Пышны”сына зур рәхмәтебезне белдерәбез! Без аларны үзебездә тагын көтәбез һәм аларга иҗади уңышлар телибез.

Төмән районы, Каскара авылы халкы исеменнән
Вәлимә ШӘРИПОВА.