Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Безнең Түбән Тәүде районы, Чугунаево-Эске авыллары мәдәният йорты каршында татар үзешчән ансамбльләр оешмаган. Шуңа күрә җыр-моңга сагынып, килгән һәр иҗади коллективны зурлап каршы алабыз. 21 мартта Түбән Тәүде мәдәният йорты үзешчән артистлары “Сагынычлы очрашулар” исемле зур концерт белән килделәр. Программа “Зөбәрҗәт” татар җыры ансамбле чыгышларын тәшкил итте. Залда барлыгы 55 кеше җыелды. Ансамбльнең җитәкчесе Эльвира Голубева моңлы тавышы белән рус һәм татар телендә күп җырлар башкарды, ул бигрәк талантлы җырчы. Салават Мәүлетов, Алсу Аптрасакова, Зөһрә Краева, Сачилә Бәширова, Рузилә Сирачева, Владимир Коковкин катнаштылар. Тамашачылар аеруча борынгы татар җырларын яратып тыңладылар.
Рузилә Сирачева үзебезнең авыл кызы. Ул югары категорияле акушер-гинеколог, хәзер пенсиядә, өч оныгын караша. Түбән Тәүдегә “Зөбәрҗәт” ансамбле репетицияләренә машинасы белән атнасына ике тапкыр бара. Матур җырлый, сәләтле, без аның белән горурланабыз. Владимир Коковкин көчле тавышы белән русча 4 җыр башкарды, Эльвира Голубева белән бергә ике җыр җырладылар. Безгә шушындый олы концерт алып килгәннәре өчен Эльвира Вакыйф кызына һәм ансамбль әгъзаларына зур рәхмәтебезне белдерәбез. Киләчәктә кабат очрашырга язсын.
Рәхимҗан МУЛЛАКОВ, Түбән Тәүде районы, Эске авылы.
