Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубылда татарча диктант язуның төп мәйданчыгы - 15 нче мәктәп булды. Татар теле һәм әдәбияты кабинетында диктант язарга килүчеләрне Төмән дәүләт университетының Тубылдагы филиалының филология фәннәре докторы Гүзәл Җәгъфәр кызы Фәйзуллина, 15 нче мәктәп укытучылары Банисә Ниязова, Нурилә Шамратова, Тубыл шәһәренең яшьләр иҗтимагый оешмасыннан Гөлнур Зиннәтуллина, Сәрия Кәбирова җылы каршы алдылар. Кырыкка якын катнашучы бер кабинетка сыймадык.
Газиз Мөхәммәтшинның “Саумысыз, аккошлар!” әсәреннән өзекне Гүзәл Җәгъфәр кызы укып чыкканнан соң, тубыллылар орфографик һәм грамматик хаталарны булдырмаска тырышып диктант яздылар. Текстның күләме зур булмады. Вакыт тиз узып китте. Диктантларны оештыручыларга тапшырганнан соң, аларга күп рәхмәт сүзләрен әйттеләр. Наҗия Хәкимова: ”Бу чара безне берләштерде, күңелләребез яктырып китте. Без үзебезнең көчебезне сынадык. Татар теленә, әдәбиятына мәхәббәтебез көчәйде, артты. Оештыручыларга рәхмәтләремне юллыйм”, - диде.
Бу чарада катнашкан төрле яшьтәге милләттәшләребезнең кичергән хисләре уртак булды. Матур тавышы белән текстны оста укыган Гүзәл Җәгъфәр кызы хикәя авторының хис-кичерешләрен диктант язучыларга җиткерде.
Римма УМИТБАЕВА.
