Тугыз авылындагы мәчетне төзеп бетерергә ярдәм кирәк!

Подробности

Опубликовано 19.04.2019 11:22

Просмотров: 570

Себер киңлекләрендә урнашкан Тугыз авылы 2015 елда дөньяга танылды. Ул елны авылның 3/4 өлеше су астында калды. Су эченнән мәчетнең балкыган манарасының фотосүрәте иң популяр булды. Төмән өлкәсе губернаторы шушы коточкыч афәтне үз күзләре белән карап киткәч, кирпечтән заманча мәчет һәм мәктәп төзетергә акча бүлеп бирде. Мәктәп бер елдан ачылды, мәчет дүрт ел дәвамында төзелде. Әмма, эчке эшләрен төзекләндерергә, җиһазларга финанслар юк. Шуңа күрә авылдан чыккан егет-кызларыбыз бүген счет ачып, кулдан килгәнчә ярдәм итә. 2015 елда бердәм булып Тугыз авылы халкына ярдәм күрсәткәнне халык бүген дә онытмый, бик рәхмәтле. Яңа мәчетне төзекләндерергә дә кадерле милләттәшләребезгә хәлдән килгәнчә ярдәмегездән ташламагыз дип мөрәҗәгать итәбез. Ярдәм итәргә теләүчеләр өчен телефон номеры: 8 904 498 39 98.

Даниял Сафа улы Абушахмин – Себердә киң танылган Абушахман мулла оныкчыгы. Абушахман мулла – иң танылган шәхесләрнең берсе. Уфада, Казанда дини белем алган. Үз авылында мәчет төзеткән. Себер авылында мәчет төзетер өчен патшага язган хаты да сакланган.

Ярдәм итәрсез дип өмет итәбез!

Мөнирә СӘГЫЙДУЛЛИНА.