Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Яркәү районы, Рәгес авылында туып-үскән, хәзерге көндә Каскара авылында яшәүче хезмәте белән хөрмәткә, мактауга лаек булган туганыбыз, дустыбыз Әлфия Әкбәр кызы Тимканова ачык йөзле, ягымлы, кешегә ярдәмчел, искиткеч тыйнак укытучы. Өч бала анасы, бер оныкчыгы бар. Ул бәхетле ана һәм әби. Аның тырышлыгы белән горурланырга була. Өенә керсәң: үз кулы белән әзерләнгән азык-төлек, кура тулы хайваннар, ит-сөт ризыклары. Аның балалары да хезмәт сөючән, бер йодрык булып, бер-берсен хөрмәтләп, ярдәм итеп яшиләр. Иҗат эшләрен дә алып барды, Каскара мәдәният йортында татар бүлеге җитәкчесе булып эшләде.
Себер татарларына җиткерү өчен “Дуслык”, “Сердәш” ансамбльләрен оештырды, гореф-гадәтләрне, дин турында сөйләшеп, кешеләрне укырга чакырды.
Без, “Сердәш” ансамбленең кызлары, Әлфияне бик яратабыз. Аллаһы аңа исәнлек-саулык, озын гомер бирсен. Аның турында бик күп язарга була. Яз көннәре җитү белән, аның бакча эшләре, чия, гөмбә җыю башлана. “Мин урманда гына яшәр идем, анда барсам бер кайгым да юк, ару-талуны да белмим”, - ди. “Бер карасаң - ул биек үкчәле туфлидә йөри, икенче карасаң - капчык тутырып гөмбә йөкләп килә. Ичмасам, кышын да йоклап ятмый, иптәше белән урманга ауга йөри”, - ди авыл халкы да.
Менә чынлап та аны “Урман кызы” дип атарсың. Шундый тырыш кешеләр күбрәк булсыннар иде.
”Сердәш” ансамбле. Төмән районы, Каскара авылы.
