Яңа хәбәргә шатланыйк

Подробности

Опубликовано 14.01.2022 04:00

Просмотров: 304

Гомер бер урында гына тормый, ул даими үзгәрә. Тормыш шартлары, кануннары да алышына. Себер ханлыгы башкаласы Чинги-Тура турында да озак еллар бернинди хәбәр булмады. Мескен шәһәр көлгә әверелгәнче яна. Замана шаһитлары киресен дәлиллиләр.

Борынгы Чинги-Тура шәһәре бөек халыклар хәрәкәт итү чорында - икенче меңъеллыкның беренче яртысында барлыкка килә. Шәһәр дөнья халкының күбесенә билгеле була. Анда уңышлы сәүдә иткәннәр.

Себер татар патриот-шагыйре Булат Сөләйманов әйтүенчә, себер татарлары яшәү урыннары елга һәм күлләр ярларында “мүк җиләге” шикелле сибелгән. Себер татарлары мәдәниятне, гореф-гадәтләрен, йолаларын, телне, традицияләрен телдән буыннан-буынга тапшырганнар.

Җәмәгать эшлеклеләре: Ямбайдан - Биктимировлар, Бурундуковлар, Бөек Ватан сугышы герое Хәбибулла Якин, профессор Мирабо Утешев, Омскидан үз төркеме белән Николай Томилов, ирле-хатынлы галимнәр Вәлеевлар, этнограф Дамир Исхаков һәм башкалар себер татарлары турында үзләренең тәҗрибәләре белән бүлештеләр.

Безгә Бөтендөнья татар конгрессының Төмән өлкәсе вәкиллеге яхшы хәбәр китерде: ул “Чинги-Тура” музеен оештырырга тели. Вәкиллек җитәкчесе эшмәкәр Ринат Насыйровка яшь буын рәхмәтле булачак. Анда күп тарихи документлар, соңгы истәлекләр урын алыр.

Төмәндә “Чинги-Тура” иҗтимагый оешмасы эшләде. Аның турында истәлекне Хәннәновлар, Исхаковлар, Насыйбуллиннар, Аппасовлар, Гыйльфановлар, Мирасовлар, Тубылдан Арангуловлар, Вәлимә Ташкалова, Х.Хөсәинова, Николай Шәмсетдинов, Сәгыйдә Хәйруллина, Хәбибулла Якин һәм башкалар саклап калырга тырыштылар. Иҗтимагый оешмага коммерция белән шөгыльләнергә ярамый. Акча юк иде. Документларны үз акчама оформить иттем, җәмәгатьчелек түләүсез эшләде. Ата-бабаларыбыз турында халык истәлеген торгыздык.

Роза ХӘКИМОВА, Төмән шәһәре
(Диләфрүз ФӘХРЕТДИНОВА тәрҗемәсе)