Январь 2018 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Вакыт үтеп, еллар тиз арада узып китә икән. Менә инде лаеклы ялга чыгып, 11 ел ял итәм. Ноябрь аенда мәдәният йортыбызда Әниләр көненә, “Чишмә” ансамбленең 10 еллыгына багышланган зур концерт үткәрделәр. Ялга чыгып та өлгермәдем, ветераннар оешмасы җитәкчесе вазифасын миңа тапшырдылар. Яшь әбиләр, яшьтәшләрем белән ансамбль оештырырга уйладым. Ял итәргә ирек бирмичә Нурия Хәсәнова, Тимербикә Дәминованың моңлы матур тавышларын халыкка тыңлатасым килде. Наҗияф Тузмөхәммәтова үзенең көчле тавышы белән ансамбльгә көч бирә. “Чишмә” группасы дип исем бирелде. Хәзер инде безгә яшьләр Нурзия Хисәметдинова, Гөлсем Исхакова матур сценарийлар әзерләүче Гөлшат Мамкина, китапханәдә эшләүче Мәфрузә Хәкимова, Нурия Рәхимова, яшь киленнәр һәм башкалар.
Юбилей белән котларга дип, Аслана авылыннан “Тамаша” ансамбле килеп, матур концерт бүләген әзерләгәннәр. Ветераннар җитәкчесе Исхакова Гөлсем чәчәкләр бүләк итте. Рәхәтләнеп ял итеп, өч сәгатькә якын концертны сизми дә калдык. “Чишмә” ансамбле җитәкчесе мәдәният йортында эшләүче Нәбилә Галиеваның зур юбилее - 55 яшь тулды. Озак еллар саулык-сәламәтлек белән үзенең моң-көйләрен халкыбызга ишеттереп яшәргә генә насыйп булсын иде. Бай табигатьле Тубыл елгасы янында урнашкан авылыбызда менә нинди талант ияләре яши. Аларга гаилә бәхете, исәнлек-саулык, зур уңышлар насыйп булсын дип теләкләремне җиткерәм.
Роза ГАФАРОВА, Ялутор районы, Яңа Атьял авылы.