Декабрь 2022 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Маһирә Вәлиуллина кышкы суык көннәрдә кояш яктысыдай дөньяга ямь биреп Ялутор шәһәренең Томилово районында Төхвәтулла белән Маһибәдәр гаиләсендә туа.
13 декабрь көнне тыл ветераны Маһирә Төхвәтулла кызына 95 яшь тула, бер гасырга якын гомер. Тирә-юньдә иң сөйкемле сигез баланың берсе булып үсә. Җиткән кыз булып үскәч, Галимулла исемле сабыр, батыр егет белән гаилә коралар.
«Әби белән бабай 8 бала үстерәләр. Шундый матур пардан әтиебез дөньяга килгән. Тик әтиебезнең гомере озын булмый, юл фаҗигасенә эләгеп яныбыздан мәңгелеккә китә. Без, ике кыз, әби кулында калабыз. Әбиебез – олы йөрәкле, сабыр, эшчән, мәрхәмәтле кеше. Безне кадерләп, һичкемнән кыерсытмыйча үстерде. Кеше арасында ким-хур булмасыннар дип тырышты, безне укытты, олы тормыш юлына бастырды.
«Бу дөньяда иң әйбәт, иң акыллы, иң гадел кеше кем ул?» - дип сорасалар бертуганым Рузалия белән икеләнмичә өздереп: «Безнең әбиебез!» - дип җавап бирер идек. Җил-яңгыр тидерми безне саклап үстергәне өчен зур рәхмәт!» - дип сөйләде оныгы Римма.
Бүгенге көндә Маһирә Төхвәтулла кызы Ялутор районы, Кактамак авылында Миңсылу кызында тыныч картлык кичерә. Балалары килеп әниләренең хәлен белешәләр.
Диләфрүз ФӘХРЕТДИНОВА