Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Авылда гади бер хатын-кыз яши. Тормыш юлы да башкалар шикелле үк: мәктәптә укый, кияүгә чыга, эшли, гаилә, хәзер пенсия яшендә. Мәкаләмнең герое Венера Сәлахетдинованың эшләгән еллары 31гә тула. Ул һәрвакыт үз эшен җаваплы, төгәл башкарды, карусыз булды. Яхшы эшләгәне өчен һәрвакыт акчалата премияләр белән бүләкләделәр. Тик “Хезмәт ветераны” исеме генә юк. Элек җитәкчеләр дә, хезмәткәрләр дә льготалар турында уйламаганнар. Тормыш иптәше белән шәхси хуҗалыкларында күп терлек асрадылар, бәрәңге, җиләк-җимешен утырттылар.
Дүрт бала тәрбияләп үстерделәр. Ә бу хатынның төп сыйфаты – тыйнаклык булды. Беркайчан да башкалардан аерылып торырга яратмады. Ул бик яхшы бәйли, бу аның яраткан шөгыле булу белән бергә, өстәмә керем дә китерә. Аның матур бизәкле свитерлары, балалар киемнәре, бияләйләре, оекбашлары, шарфлары, түгәрәкләре һәм башка күп төрле иҗат җимешләре сокландыра, фестиваль, сабантуйлар, конкурслардагы күргәзмәләрне бизиләр. Аңа бу сәләт Аллаһы Тәгаләдән бирелгән. Аның бәйләнгән әйберләрен Тугызда, Вагайда сатып алалар. Осталыгын яшь хуҗабикәләргә дә өйрәтә ул. Тик соңгы елларда кайгыртучан әни һәм хуҗабикәгә яраткан эше белән шөгыльләнергә авыруы комачаулый. Инвалидлар көне алдыннан Венера Нигъмәтулла кызы өлкә күләмендә барган конкурста катнашырга теләк белдерде, аңа уңышлар теләп калабыз.
Фатыйма ВАБИЕВА, Вагай районы, Тугыз авылы.
(Г.Вәлишина тәрҗемәсе).
