Онытмаска тиешбез

Подробности

Опубликовано 15.05.2015 10:09

Просмотров: 853

“Яңарыш” газетасы битләрендә сугыш ветераннары, сугыш еллары балалары турындагы язмаларга күп урын бирелде. Бу эчтәлекле хатларны әзерләгән журналистларга, хәбәрчеләргә зур рәхмәт белдерәсе килә. Ә бу эшне газета битләрендә югары дәрәҗәдә укучыларга тәкъдим иткән редакция коллективына чиксез уңышлар телим. Якташларыбыз, сугыш еллары турындагы истәлекләрне бик рәхәтләнеп укыдым. Алар – безнең тарих. Бигрәк тә бу рәхимсез еллар турында, безгә бүгенге тыныч тормышны бүләк итүчеләрне онытмаска тиешбез. Күпме еллар узса да, халык хәтерендә Бөек Ватан сугышы иң авыр, иң дәһшәтле сугыш буларак сакланыр, һәм халкыбызның кылган батырлыклары һәрвакыт хөрмәт һәм соклану белән искә алыныр.

Венера ХӘЙРУЛЛИНА, Төмән шәһәре.