“Иң яхшы мастер-класс күрсәтүче”

Подробности

Опубликовано 19.02.2021 00:00

Просмотров: 516

Үткән елның ноябрь аенда өлкәдәге иң яхшы татар теле һәм әдәбияты укытучылары һөнәри осталыкларын күрсәттеләр. “Иң яхшы татар теле һәм әдәбияты укытучысы” бәйгесендә катнашучылар һәркайсы бер номинациядә җиңү яулады. Түбән Тәүде районы, Киндерле урта мәктәбенең 24 ел хезмәт стажы булган туган тел һәм рус теле укытучысы Фирдәүс Алеева күрсәткән мастер-класс иң яхшысы дип табылды.

Соңгы 3 уку елындагы нәтиҗәләр буенча Фирдәүс Минаҗетдин кызы белем биргән укучыларның үткән уку елында 76 проценты яхшы билгеләргә белем ала. Ул укыткан Ләйсән Умбитова һәм Хожархан Гөлмәтвә өлкә күләмендәге олимпиадада катнашу бәхетенә ия булалар. Укучыларда туган телгә мәхәббәт уятуда дәрестән тыш үткән чаралар: “Туган тел җәүһәрләре”, “Салават күпере” театр түгәрәкләре, туган тел атналыгы, Шәүкәт Гаделшаның 70 еллыгына багышланган юбилей кичәсе, Өлкәннәр көне, «Алтын көз», Әниләр көне, Бөек Җиңү бәйрәмнәре зур роль уйныйлар.

Тырыш мөгаллимә үз укыту тәҗрибәсе турында түбәндәге язмада тәфсилләп сөйли.

Гөлнур ВӘЛИЕВА.