Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Яшь, талантлы тележурналистыбыз Ләйсән Хөрмәтуллина алып бара торган “Яңа сулыш” телетапшыруы татар рухлы милләттәшләребезне һәр шимбә көнне зәңгәр экраннар каршына җыйнап ала. Көтеп алган тапшыру атна саен өлкәбезнең себер татарлары тормышы, яшь буын вәкилләре белән таныштыра. Булган яңалыклар, яңа ачышлар, яңа исемнәр тамашачыларда кызыксыну, горурлык хисләре уята, дәртләндерә һәм төрле яхшы максатларга ирешү өмете чаткылары кабыза.
Төмән өлкәсе татар яшьләре берләшмәсенең (рәисе Сәит Тусмөхәммәтов) нәтиҗәле эшләре, өлкә күләме белән генә чикләнмәгән төрле чараларда уңышлы катнашулары, татар милләтенең актив яшьләрен берләштерүләре, булган проблемаларны бергәләп чишү өстендә эшләүләре бик тә кызыксындыра һәм сораулар да тудыра: Төмән шәһәреннән башка өлкәбезнең бүтән шәһәрләре һәм район үзәкләрендә яшьләр өчен шундый ук татар оешмалары бармы; татарча аңлашып-сөйләшү мәҗбүриме; бу берләшмәгә кемнәр керә ала; Төмән өлкәсе яшьләре берләшмәсе белән ничек элемтәгә керергә була? Менә шундыйрак сорауларга җаваплар яшьләргә генә түгел, әти-әниләренә дә кызыклы булыр иде. Чөнки менә дигән татар кызлары-егетләре күп. Газета аша бу сорауларга җавап ишетәсе килә.
Ә өлкәбезнең татар яшьләре күңелләрен калкыткан, киләчәккә яхшы өметләр юнәлткән, татар исемен горурлык белән йөртергә өнди торган “Яңа сулыш” телетапшыруына һәм аның тырыш, иҗади фикерле алып баручысы себер кызы Ләйсән Хөрмәтуллинага зур уңышлар һәм күп санлы тамашачылар телибез.
Зәкия СӘИТОВА, Тубыл шәһәре.
