Июнь 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Гомерләр уза икән. Әле генә язның иң дә матур чоры - шомырт чәчәк аткан вакытта дөньяга аваз салган дустым Нурулла Казыймов юбилейлы туган көнен – 65 яшен каршылады. Ул Хуҗайлан урта мәктәбен тәмамлап, Казанның авыл хуҗалыгы институтында ветеринарлыкка укып чыга. Туган авылы совхозында хайваннарның баш табибы булып 40 ел армый-талмый хезмәт итә. Авырлыклар алдында баш иеп тормаган, эшләгән эш урынында тырышып хезмәт иткән якташыбызга авыл хуҗалыгы тармагында эшләү җиңел булмагандыр. Ул елларны фермаларда эре мөгезле терлек, йөздән артык мөгезле вак терлек булган. Дуслары аның турында яшь вакытыннан өлгер, уңган, бик пөхтә, үзе камыр ризыкларын да пешерә белә дип, мактап сөйлиләр.
Нурулла 1990 нчы елларда дин белән кызыксына башлый, әкренләп дин юлына баса. Ялутор районы, Атьял мәдрәсәсендә укый. Үзенең остазы Хуҗайлан авылы мулласы Харис хәзрәт Раенбакиевны җылы сүзләр белән искә ала. Нурулла Казыйм улы яхшы күңелле, туры сүзле, ярдәмчел, җор телле кеше. Ул дусларын хөрмәт итә белә, үзенең якташлары белән аралашып, шатлыклы вакыйгалары булса, бергә шатланып яши. Нурулла Казыймовның балалары да әтиләренең хәлен белеп, ярдәмләшеп торалар.
Бүгенге көндә Нурулла Казыймов авыл мәчетендә дә, Хуҗайланда якташларына кайгы килсә, хәсрәтләрен уртакшалып, зиратка чыгып догалар укый.
Октябрист МӘҖИТОВ,
Тубыл мәчете имамы урынбасары.