Май 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
“Исәннәрнең - кадерен бел,
Үлгәннәрнең – каберен бел!”- ди безнең татар халкы.
Без, “Дуслык” клубы әгъзалары, бу йоланы хөрмәт итәбез. Һәр елны, яз көне, татар зиратында өмә ясыйбыз. 2020 нче елда гына, пандемия сәбәпле, бу тормышка ашмады. Ә быел 22 апрель көнне зиратка җыелдык. Боровский мәчетеннән Мөхәммәтҗан мулла һәм тагы өч-дүрт ир-ат, Винзили мәчетеннән Мидхәт мулла ярдәмгә килделәр.
Безнең йола буенча, зиратка иң элек мулла керергә тиеш һәм дога укып башкаларга рөхсәт бирергә тиеш. Мөхәммәтҗан мулла белән Мидхәт мулла зиратта мәңгелек урыннарын тапкан барлык әрвахларга багышлап дога укыдылар. Бу зиратта безнең әти-әниләр, туганнар, танышлар яталар.
Ә быел март аенда 95 нче яшендә Бөек Ватан сугышы ветераны Шәрифулла абый Бениятов вафат булды. Аны хөрмәтләп безнең зиратка күмделәр.
Өмәдә ир-егетләр зират ихатасында үскән тал-чыбыкларны, агачларны кистеләр, ә хатын-кызлар тырмалар белән корыган үләннәрне, чүпләрне җыеп, чүп сала торган бакларга ташыдылар. Гомумән, әйбәт итеп җыештырдык.
Өмәгә килүче һәркайсына рәхмәт әйтәсем килә. Якынлашып килүче Җиңү бәйрәме белән котлыйм сезне, илләребез тыныч булсын!
Венера НИГЪМӘТУЛЛИНА, ”Дуслык” клубы җитәкчесе,
ветераннар советы әгъзасы.
Төмән районы, Винзили поселогы.