Август 2020 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Бүгенге бик катлаулы вакытларда тирә-якта ямсез күренешләр, тәртипсезлек, бозыклык күзләргә чагылган заманда балаларны, оныкларны тиешле рәвештә тәрбияләү, үзебезнең гореф-гадәтләребезне, саф булган ана телебезне саклап калу, милләтебезнең сокланырлык, бай тарихына горурлык хисләре уяту искиткеч бер зур абруй, шул ук вакытта авыр йөк булып тора.
Халык мәкәлендә әйтелә: «Нәрсә чәчсәң, шуны урырсың», - дип.
Төмән өлкәсендә ошбу, бик мөһим булган проблемаларны берхәтле алга тарту, халкыбыз арасында әдәп-тәрбия чараларын үстерү ягыннан 30 ел дәвамында «Яңарыш» газетасының роле әйтеп бетергесез.
Әлбәттә, район, авылларда ошбу мәсьәләләрне чишү төрлечә куелса да, үрнәк алырлыклары да бар.
Яркәү районы, Яңа Кәешкүл авылында эшләр һәм хәрәкәт сокланырлык, үрнәк алырлык дип әйтсәм хата булмас. Авыл мәчетендә күп еллар хезмәт иткән, инде вафат булган дини оешманың житәкчесе - Әйтмөхәммәт Нәби улы Халиковның хәләл жефете - Сабира Тимербулат кызы Фәйзуллина үзенең бурычларын халык белән эшләп, бигрәк тә яшүсмерләр белән, югары дәрәҗәдә алып бара. Билгеле булганча, соңгы айларда, карантин сәбәпле, балалар белән эшләү берхәтле тукталып торды.
Шунысы бик кызык, Сабира апаның әйтүе буенча, аның әнисе Суфия апа (мәрхүмә) “Яңарыш” газетасын беренче саннарыннан бирле җыеп барган. Хәзер алар безгә бик кирәгеп чыкты, җыелышкан вакытларда элекке газеталарда булган хәбәрләрне укып алабыз, андагы әйтелгән якташларыбызның күпләре инде фани дөньяда юк та, бакыйга күчкәннәр. Узган еллар да газетаны бик актив яздырган, соңгы вакытлар картаеп газетага языла алмый калган авылдашларының өчесен Сабира апа мәчет акчасына яздырып өлгергән. Яңа Кәешкүл авылында газетага игътибар бик зур. 22 елдан артык почта хезмәткәре - газета таратучы булып Рәсимә Котлыбай кызы Абдразакова эшли. Ул үз хезмәтен чын күңелдән, бик тырышып алып бара. Һәрбер йортка кереп, өлкән яштәге авылдашларына яздыру чараларын үткәрергә булыша. Быел авылда 50 кеше язылган. Аның бертуган сеңлесе - Алсу Котлыбай кызы Рамазанова 30 елдан артык почта мөдире булып эшләп, зур уңышларга ирешә. “Элемтә мастеры медале” исемле хөкүмәт бүләге белән бүләкләнә. Аларны узган бәйрәмнәре белән, соң булса да тәбрик итеп, киләчәктә дә яңа уңышларга ирешүләрен теләп калабыз.
Фатыйх ГАРИФУЛЛИН, Төмән шәһәре.