Апрель 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Билгеле булганча, соңгы елларда гореф-гадәтләребезне төптән үзгәртеп, төрле йолалар, һөнәр-кәсепләр юкка чыга баралар. Бары тик музыка һәм поэзия генә үзенең төп мәгънәсен югалтмыйча сакланып килә. Себер татарларының мәдәниятен күтәрүдә өлкә хакимияте зур эшләр алып бара. Озак еллар Төмән районында шушы бурычны Хәмзә Колчак улы Биктимиров башкарды. Аның тырышлыгы белән Боровский поселогы мәдәният йортында татар бүлеге ачылды. Аның җитәкчесе итеп Гөлзифа Нигъмәтулла кызы Нигъмәтуллина билгеләнеп, тиздән ул биредә “Ихлас” зурлар һәм “Ялкын” балалар фольклор төркемнәрен оештырды. Быел, мәсәлән, алар өлкә татар мәдәнияте көннәре кысаларында үткән район бәйгеләрендә призлы урыннар алдылар.
Нәфис сүз остасы номинациясендә Хәлил Әйтмөхәммәтов, ә “Уйна, гармун” номинациясендә Хисмәтулла Фәйзуллин 1 урынны яуладылар. “Ихлас” төркеме себер татарларының туй йолаларыннан “Күц” (Килен төшерү) күренешен сәхнәләштереп, 2 урынга лаек булды. Бәйгеләр узгач, артистларыбыз үзләренең осталыкларын күрсәтеп, поселок музеенда зур концерт оештырдылар. Биредә Х.Әйтмөхәммәтов себер татарларына, туган ягыбызга багышланган шигырьләрен укыды. Оркыя, Фәридә Хәсәновалар, Рәчига Садыйкова, Римма Галиева, Нәкыя Сабирова, Динара Уразаева, Гөлзифа Нигъмәтуллина матур җырлар башкарып, тамашачылар мәхәббәтен яуладылар. Чыгышлардан зур канәгатьлек кичергән халык артистларга рәхмәт белдереп, уңышлар теләде.
Җәмилә БАЯЗИТОВА, Төмән районы, Боровский поселогы.
(Рәүфә КАНГАЗИНА тәрҗемәсе).